ការជ្រើសរើសទិសដៅសិក្សាគឺជារឿងសំខាន់សម្រាប់សិស្សានុសិស្សរៀននៅវិទ្យាល័យ។ ក្រឡេកមកមើលហេតុផលមួយចំនួនដែលសិស្សានុសិស្សានៅថ្នាក់វិទ្យាល័យគួរទៅសិក្សានៅបរទេស។

ឱកាសសិក្សា

ថ្នាក់វិទ្យាល័យបរទេសតែងតែផ្តល់ជូននូវកម្មវិធីអប់រំចម្រុះបែបស្តង់ដារអន្តរជាតិកម្មវិធីសិក្សាកម្រិតខ្ពស់ និងវក្គសិក្សាឯកទេស។ លើសពីនេះអាចផ្តល់នូវការអប់រំដែលមានគុណភាពខ្ពស់ និងទស្សនៈទូលំទូលាយទៅលើមុខវិជ្ជាផ្សេងៗដល់សិស្សានុសិស្ស។ ជាពិសេសការបង្រៀនដោយមានបទពិសោធន៍ និងមានសមត្ថភាព ដែលនាំមកនូវចំណេះដឹង និងជំនាញជាច្រើនប្រកបដោយភាពច្នៃប្រឌិត នៃការសិក្សារបស់សិស្សឱ្យកាន់តែរីកចម្រើនខ្លាំងឡើង។

ស្វែងយល់ពីវប្បធម៌

ការរស់នៅក្នុងវប្បធម៌ផ្សេងគ្នា និងសិក្សានៅបរទេសអាចជាបទពិសោធន៍ផ្លាស់ប្តូរមួយសម្រាប់អភិវឌ្ឍផ្នត់គំនិតនៃចម្រុះវប្បធម៌ និងទទួលបានការយល់ដឹងកាន់តែស៊ីជម្រៅអំពីប្រពៃណី ភាសា និងទំនៀមទម្លាប់ផ្សេងៗគ្នា។ លើកទឹកចិត្តឱ្យសិស្សស្វែងយល់ពីទំនៀមទម្លាប់ និងចំពោះទិដ្ឋភាពពិសេសវប្បធម៌នីមួយៗ ជុំវិញសកលលោក។ ជំនាញដ៏សំខាន់មួយទៀតនោះគឺ មានការទំនាក់ទំនងគ្នាទៅវិញទៅមក។

ឯករាជ្យភាព

 ការសិក្សានៅបរទេសជំរុញឱ្យសិស្សានុសិស្សមានការរីកចម្រើន និងឯករាជ្យភាព។តាមរយៈការរស់នៅឆ្ងាយពីឪពុកម្តាយ កូនអាចរៀនស្វែងយល់ពីបរិយាកាសជុំវិញដែលមិនធ្លាប់ស្គាល់ពីមុន អាចគ្រប់គ្រងពេលវេលា មានទំនួលខុសត្រូវ និងហ៊ានធ្វើការសម្រេចចិត្ត។ ពួកគេអាចអភិវឌ្ឍខ្លួនឯង បង្កើនភាពជឿជាក់លើខ្លួនឯង។ 

អាហារូបករណ៍ និងជំនួយហិរញ្ញវត្ថុ

 សាកលវិទ្យាល័យ និងអង្គការជាច្រើនបានផ្តល់អាហារូបករណ៌ ឬជំនួយហិរញ្ញវត្ថុជាពិសេសសម្រាប់និស្សិតអន្តរជាតិ។ ការសិក្សាថ្នាក់វិទ្យាល័យនៅបរទេសអាចធ្វើឱ្យសិស្សមានសិទ្ធិទទួលបានឱកាសទាំងនេះ ជួយទូទាត់ការចំណាយលើការអប់រំ។ អាហារូបករណ៍អាចផ្អែកលើគុណសម្បត្តិតម្រូវការ ឬភ្ជាប់ទៅនឹងមុខវិជ្ជាជាក់លាក់នៃការសិក្សារបស់សិស្ស។

ឱកាសការងារ 

ការសិក្សាថ្នាក់វិទ្យាល័យនៅបរទេសអាចផ្តល់ឱ្យសិស្សនូវការប្រកួតប្រជែងក្នុងទីផ្សារការងារ។ និយោជកតែងតែឱ្យតម្លៃលើបទពិសោធន៍អន្តរជាតិ ជំនាញភាសា និងទស្សនៈវិជ្ជាដែលទទួលបានតាមរយៈការសិក្សានៅបរទេស។ ក្រោយនិស្សិតបញ្ចប់ការសិក្សានៅបរទេសអាមានការងារល្អៗ និងឱកាសសម្រាប់ធ្វើការនៅក្នុងក្រុមហ៊ុនជាច្រើន ឬឧស្សាហកម្មអន្តរជាតិ។